Կրիա Վայնս. սիրուց ծնված «զավակ»՝ Վերնաշենում

Վայոց Ձորում գտնվող փոքրիկ Վերնաշեն գյուղում մեծացած Տաթևիկ Գաբրիելյանը երազում էր գինեգործ դառնալու մասին: Այդպիսով, նա 18 տարեկանում մեկնեց Շվեյցարիա՝ գինեգործություն սովորելու: Այնտեղ ուսանելու ընթացքում՝ 2012 թվականին, նա հանդիպեց գերմանաբնակ Ժան-Պոլ Բերգերին: Նրանք միասին եկան Հայաստան, որտեղ Տաթևիկն սկսեց նորոգել Վերնաշենում գտնվող իր ընտանեկան գույքը. մի հին պանրագործարան, որը կառուցվել էր խաղողի այգում, և որում կային 70-ամյա գինիներ, իսկ 2018 թվականին նա հիմնեց Կրիա Վայնսը:

Անվանումը, որը նշանակում է «կրիա», թանկ է Տաթևիկի համար: Նրա խոսքով՝ «Մեզ պետք էր անվանում, որը կլիներ պարզ և հեշտ արտաբերվող: Բազմաթիվ մշակույթներում կրիան նաև բարգավաճման, երկարակեցության և հարստության խորհրդանիշն է»:

Տաթևիկի և Ժան-Պոլի փիլիսոփայությունն իրենց խաղողի այգիներում կայուն և բնապահպանական տեսակետից նպաստավոր գործունեություն ծավալելն է: Խոսքը գնում է պեստիցիդների, միջատասպան կամ այլ քիմիական նյութերի չկիրառման մասին: Բացի այդ, Տաթևիկը գործածում է ընդունվածից քիչ քանակությամբ ծծումբ և պղինձ: Նա ձգտում է՝ մեկ-երկու տարվա ընթացքում սերտիֆիկատ ստանալ:

2021 թվականի աշնանը Կրիան մեկնարկել է 800 շիշ կարմիր չոր գինով: Նա հուսով է, որ տարեցտարի կավելացնի թվերը՝ ակնկալելով 2022 թվականին հասնել 7,500 շիշ նշաձողին: Ավելին, Տաթևիկը նաև հայտնել է, որ մոտավորապես սեպտեմբերին կսկսեն սպիտակ գինի թողարկել:

Ներկայիս 2019 թվականի վինտաժը նա ստացել է իր այգու Արենի խաղողի տեսակից, որն էլ 12 ամիս հնեցվել է հայկական արտադրության տակառներում:

Կրիա Վայնսը հասանելի է In Vino-ում, Noyan Tapan գինու խանութում և Accent ռեստորանի Vincent գինու սրահում: